АҚШ компанияси картошкадан бир йилда бир неча марта ҳосил олишни таминлайдиган янги ускунани таклиф этмоқда
23/Noyabr/2024 17:00
1341
Инновацион ривожланиш вазирлигида АҚШнинг "СETS" компанияси вакиллари билан учрашув бўлиб ўтди. Учрашувда Инновация вазири Иброҳим Абдураҳмонов иштирок этди. Бу ҳақда Инновация вазирлиги матбуот хизмати берган маълумотига асосланган ҳолда ЎзА хабар қилди.
Суҳбат чоғида "СETS" компанияси вакиллари Инновация вазирлиги қошидаги Уруғчиликни ривожлантириш марказига компьютер билан бошқариладиган картошка мини-туганаклари етиштириладиган 15 та фитотрон ускунасини сотиш таклифи билан чиқди.
Фитотрон ўзи нима? Фитотрон, бу – сунъий равишда маълум шароитлар яратиладиган жой бўлиб, турли хил иқлим шароитлари яратган ҳолда бир йилда бир неча марта ҳосил олиб, селекция жараёнини тезлаштириш имкониятини беради. Жумладан, супер элита уруғларини етиштиришга кетадиган муддат бир неча бараварга камаяди.
"СETS" компанияси вакиллари таклиф этаётган фитотронларнинг нархи баландлигини инобатга олган ҳолда, Инновация вазири улардан ускуналарни Ўзбекистонга инвестиция сифатида киритиб, давлат-хусусий шерикчилик шаклидаги қўшма корхона ташкил қилиш ва картошка уруғчилиги кластери яратиш таклифини берди.
Томонлар ўзаро ҳамкорлик шакллари ва шартлари ҳақида музокараларни давом эттиришга келишишди.
Манба: ЎзА
16+