Карам битига қарши қандай курашиш лозим?
23/Noyabr/2024 20:27
1000
Карам бити (шираси) тухумлик босқичида икки йиллик бутгулли бегона ўтларда тухумлик, личинкалик ва партеногенетик урғочи зотлари икки йиллик бутгулли бегона ўтларда қишлайди. Карам бити йилига 16 марта авлод бериб ривожланади; кузда ҳар бир урғочи зот 2-4 қишловчи тухумлар қўяди.
Етук босқичлари ва личинкалари карам барглари ва личинкалари карам баргларида тўп тўп жойлашиб сўриб озиқланишлари натижасида дастлаб барглар рангсизланади кейин сал қизаради, барглар буришиб ўзгаради ва сўлийди.
Кураш чоралари
Агротехник тадбирлар: Қишловчи бутгулсимон бегона ўтларни, карам қолдиқларини даладан йўқотиш; карамни чидамлилигини ошириш тадбирларини (NPKли ўғитлар билан озиқлантириш, қатор ораларига ишлов бериш, кўллатмасдан суғориш ва ҳ.к. ўтказиш.
Биологик усул: Олтинкўз энтомофагинининг 3-4 кунлик тухумларидан 1:10, 1:20 нисбатларда 10 кун оралатиб 2 марта 10х10м схемада карамларга қўйиб чиқиш.
Кимёвий усул: 5-10% ўсимликда шира тўдалари пайдо бўлгач Децис 2,5% эм.к.0,3 л/га, Бензофосфат 30% н.к. – 2,0-2,3 л/га; Фуфанон 57% эм.к. – 0,6-1,2 л/га; Фьюри,10% с.э.к.-0,1 л/га ва бошқа руҳсат этилган препаратлар билан ишлов берилади.
Манба:
Болтаев Б.С. ва бошқалар (2013). Сабзавот экинларининг зараркунанда, касалликлари ва уларга қарши кураш чоралари. Қўлланма. Тошкент.
16+